EKAINAK 22, LARUNBATA, GAMIZ-FIKAKO MUINOETAN BARRENA DOAN MENDI LASTERKETA SOLIDARIOA ETA MEMORIA HISTORIKOAREKIN KONPROMETITUA AURKEZTU ZUTEN BBK ARETOAN GURUTZETAKO PEDIATRIA ZUZENDARIAK, GAMIZ FIKAKO ALKATEAK, MEMORIAREN ETA GIZA ESKUBIDEEN SAILBURUORDEAK, FORU ALDUNDIKO KIROL ZUZENDARIK ETA EUSKO JAURLARITZAKO KIROL ETA JARDUERA FISIKOAREN ZUZENDARIAK
“Hau Burdin Hesian zeharreko mendi lasterketa bat da, gureak bezalako burdinezko paziente batzuekin solidarioa”, esan zuen Itziar Astigarragak bere hitzaldian.
Gurutzetako ESIko pediatriako zuzendaria oso eskertuta agertu zen Eperlanda Kultur Elkartearen erabakiarekin, lasterketa honen diru-sarrerak pediatriako eremua humanizatzeko izango direlako. “Beti daude hobetu beharreko gauzak “, adierazi zuen.
Ana Rubio, Gamiz Fikako alkateak azpimarratu zuenez “Gurutzetako ESIko Minbiziaren eta Gaixotasun Luzeen esparruaren humanizazioa hobetzeko da lasterketaren dirua eta harro gaude”.
Lasterketan parte hartuko duten kirolarien kopurua nabarmen igo da, 2023an 600 inguru izan baitziren eta 900 baino gehiago izango dira 2024an, eskuragarri izan diren dortsal guztiak agortuz eta 200 pertsonak itxaron-zerrendan izanez.
Ekainaren 22an, alkateak adierazi zuenez, jai-larunbat on bat igaro nahi dutenek
lehen sektoreko merkatua, Gargantua, auto klasikoen erakusketa, bertsolariak, DJak, txahal errea eta abarrak aurkituto dituzte. “Gamiz Fikako bizilagun eta alkate naizen aldetik, oso harro sentitzen naiz hainbeste pertsonak egindako lanaz eta gure helburu solidarioagaz”
Memoriaren eta Giza Eskubideen sailburuorde José Antonio Rodríguez Ranzek arreta berezia jarri zion probaren beste alderdi bati. “Oraindik ere beharrezkoa da totalitarismoei aurre egitea. Gamiz Fika eta burdinazko gerrikoa Gerra Zibiklaren oroimen demokratikorako lekukoak dira” adierazi zuen Rodríguez Ranzek.
Burdin Hesiko Mendi Lasterketa 1.750 metroko desnibela batzen duen mendi lasterketa da, belardien eta basoen arteko ibilbideetan zehar. Gerra Zibilean indar frankisten aurka Bilbo babesteko sistemaren aztarnen artean. Elkarte bateko kideak lubakiak eta defentsa-postuak gudari eta milizianoekin berpiztu egiten dituzte.
Estepan Aldamiz Etxebarriak, Eperlanda Kultur Elkarteko lehendakariak,
erakunde publiko eta pribatuen laguntza eskertu zuen “horien gabe karrera eta bere helburua bideraezinak liratekeelako”. Eta gonbidapena luzatu zuen larunbatean Gamiz Fikatik pasatzeko.
Parte-hartzaile ospetsuak
Burdin Hesiko Mendi Lasterketako 37 km-ko trailean izango dira:
Oihana Azkorbebeitia (Buff Epic Trail Sky Marathon lasterketako irabazlea),
Belen Rodríguez, Oihana Kortazar (Espainiako Trail Running txapelduna)
2023 eta Innsbruckeko munduko txapelketako 7.a), Zaid Ait Malekr
Munduko Skyrunner txapelketa eta Volcano UltraMarathon txapelketako irabazlea), Aritz Egea (ultra-traileko Espainiako txapeldun bikoitza), Ander Peskera, Raúl Criado (WMRA Munduko Kopako irabazlea) edo Rafael Fernández.
Eta 13 km-ko trailean, Ainara Urrutia (hautatzailea
eta hainbat proba irabazi ditu), Ikram Rharsalla (Louzan Sky Raceko irabazlea), Manuel Anguita edo Gontzal Murgoitio (duela gutxi Espainiako Txapelketako Promesen Txapelduna) Linea Paülsen).
Ibilaldian parte hartzen dutenek bidea partekatuko dute aurpegi ezagun bat baino gehiagorekin.
