![](https://www.lasterketak.eus/wp-content/uploads/2021/09/20210926_Gorbeia-Suzien-1130x650.jpg)
VIII. GORBEIA SUZIEN SKYRACE – 2021
Antolatzailea
SUZIEN MENDI KLUBA
Plazea 18, 1B.
48144 – Zeanuri (Bizkaia/Vizcaya)
Tel.: 653745838
[email protected]
GORBEIA SUZIEN SKYRACE
Data: 2021ko irailaren 26an
Ordua: 10:00
Distantzia: 31 km.
Desnibela: 2.400 m D+.
Deskribapena: Zeanuriko herrigunetik hasiko dugu lasterketa eta San Justoko ermitan gora barneratuko gara Gorbeiako parke naturalean. Igoera aldapatsuak izango ditugu hasierako tarte horretan. Malkar horiek gainditu eta Zanburura iritsita, Lekandako tontorrera abiatuko gara ahalik eta biderik zuzen eta bizkarrena hartuz. Gain harritsu honetara iritsi orduko, ezkerretara eginda, Arrabako zelai berdeetarantz joko dugu. Arraba osteko gailurreritik Zastegiko eremura helduko gara eta hortik abiatuko gara Gorbeiako tontorrera. Ondoren, Azero ingurura jeitsiko gara, bertatik, azken igoera pikoari helduko diogularik. Han izango dugu zain Aldamin. Amaitzeko, jeitsiera luze bati ekingo diogu Zeanuriko helmugara iritsi arte, tartean igoera labur pare bati aurre egin ondoren.
Kontrolguneak: 8.
Anoaguneak: 10.
Gehienezko altuera: Gorbeia 1481 m.
Gutxieneko altuera: Zeanuri 243 m.
Denbora muga: 6 ordu eta 30 minutu.
Denbora mugak: Araudian.
Partaide kopurua: 600.
GORBEIA SUZIEN 21K
Data: 2021ko irailaren 26an
Ordua: 11:30
Distantzia: 21 km.
Desnibel positiboa: 1.200 m. D+
Deskribapena: Zeanuritik (Bizkaia) irteten da ibilbidea, San Justo ermitan Gorbeiako Parke Naturalean sartuko gara, zati aldapatsuak hasiko dira bertan. Behin hau pasa eta Zanburura iritsi ostean, zuzenean Lekanda gailurrerantz joko dugu. Bertara iritsi baino lehen ezkerretara hartuko dugu Arrabako landa berdeetara. Handik Egiriñaora abiatuko gara Gorbeiara igotzeko ohiko bidetik eta bidegurutzean Aldaminapeko bidea hartuta Lanbreabe auzora jaitsiko gara. Azken igoera labur batek San Juan ermitara eramango gaitu berriro ere abiapuntura iritsi aurretik.
Bidean zehar kontrolak: 6
Anoaguneak: 7
Gehienezko altuera: Egiriñao 1.200 m.
Gutxienezko altitudea: Zeanuri 243 m.
Gehienezko denbora: 4 ordu 30 minutu
Gehienezko parte hartzaile kopurua: 200